[255] EPISTOLA LV.

IUSTUS LIPSIUS

THEODORO CANTERO

S. Dico.

Tribus verbis, festinante patre DALII, salutatum te volui, Vir Amicissime, Nec enim aliud magnopere habebam, quod significarem, nisi ut te hortarer ad Arnobium quam maturrime vulgandum. PLANTINI opera, scio, hac in re parata tibi erit. Spero hac aestate me ad vos excursurum amicos visendi caussa. Farbum mitto; Peto ut per hominem certum fidumque remittas. Liber enim est quem ego aestimo, & quo crebro utor. Vale, mi CANTERE. XII. April. MDLXXXI.